ინტერნეტი ძვირდება ? „გაერთიანებული ტელეკომი“ მისი კუთვნილი კანალიზაციისა და საკაბელო წყვილების იჯარაზე ტარიფებს ზრდის. „ტელეკომის“ კანალიზაცია და საკაბელო წყვილები ინტერნეტ პროვაიდერებისთვის სასიცოცხლოდ მნიშვნელოვანია საკუთარი აბონენტებისთვის ინტერნეტის ქსელის უზრუნველსაყოფად. „გაერთიანებული ტელეკომის“ მოთხოვნა და ახალი ტარიფები კომუნიკაციების ეროვნულმა კომისიამ 30 მარტს უნდა განიხილოს. თუ მარეგულირებელი კომისია „ტელეკომის“ მიერ დადგენილ ტარიფს დაუშვებს, მაშინ ინტერნეტი და კავშირგაბმულობის მომსახურება ავტომატურად გაძვირდება, რაც ექსპერტთა აზრით, საკომუნიკაციო ბაზრის „ნგრევას“ გამოიწვევს.